எனினும்...

எனினும்
நீ மீண்டும் வார்க்கபடுகிறாய்
உன் ஸ்திரத்தை சோதிக்க அல்ல
ஸ்நேகத்தை நிரூபிக்கவும் அல்ல
நீயற்ற அறையில்
பிம்பமற்று அவர்கள் திகைக்கின்றனர்
நீயற்ற சாலையில்
அவர்களது நிழல்கள்
நகர மறுக்கின்றன
நீ அவர்களுக்கு தேவைப்படுகிறாய்
உனது சமனின்மைகளால்
அவர்களை அளந்து கொள்ள
உனது ஒப்பனைகளை
குறை சொல்ல அல்லது
ஒழுங்காக ஒப்பனை செய்ய கற்று கொள்ள
தற்செயலாய் விழுந்த
பள்ளத்திலிருந்து கை தூக்க
அல்லது  அவர்கள் வலையில்
உன்னையும் ஒரு இழையாக்க
நீ அவர்களுக்கு தேவைப்படுகிறாய்
உனது சாலையின்
எல்லா திசைகளிலிருந்தும்
தம் நிழல்களை ஏவி விட
தமது வளர்ப்பு சாத்தான்களுக்கு
உன் பெயரிட்டு மகிழ
தன்னிருப்பு உணர
தற்பிழைகள் களைய
காரணங்களுடனும்
காரணங்களற்றும்
உன் இருப்பின் துல்லியம்
விகாரங்களால் நிறையும்
தீர்ப்பு நாளில்
ஏதேனும் ஒரு பாழறையில்
சில்லு சில்லாய்
நீ
றுக்நொகிய்ப்றாகடுப
ஓம்.